På Engebø produserer vi rutil og granat frå bergarten eklogitt. Samtidig veit vi at mineralressursane inneheld meir enn hovudprodukta vi tek ut i dag.

Difor er betre utnytting av ressursane eit viktig arbeid for oss.

Gjennom Hub for Minerals ønsker vi å vere med og utvikle ny kunnskap, teste nye moglegheiter og sjå på korleis meir av materialet kan nyttast i framtidige produkt og verdikjeder.

Målet er enkelt:
å utnytte meir og kaste mindre.

Dette samarbeidet handlar om berekraft, ressursforvaltning og om å skape nye moglegheiter lokalt og regionalt.

Frå restmassar til ressursar

Noko av arbeidet vil handle om det som i dag blir omtalt som restmassar frå mineralprosessering. Vi ønsker sjølvsagt at minst mogleg av ressursen går i fjorddeponi.

Då er spørsmålet:

Kan meir av dette nyttast?

Det kan vere gjennom nye bruksområde, vidare foredling eller samarbeid med andre aktørar som kan bruke materialet i sine produkt eller prosessar.

Dette er komplekst arbeid som krev tid, forsking og samarbeid, men retninga er tydeleg:

Vi ønsker best mogleg utnytting av ressursane.

Regionalt samarbeid om framtidas mineralnæring

Hub for Minerals er eit samarbeid mellom Nordic Mining på Engebø, Askvoll kommune, Sunnfjord kommune og Vestland fylkeskommune, og er ein del av Grøn region Vestland.

Gjennom satsinga skal ein sjå på korleis mineralnæringa kan utviklast vidare med meir innovasjon, meir sirkulærøkonomi og betre bruk av ressursane.

For Engebø betyr det moglegheiter, både for verksemda vår og for utvikling av ny aktivitet og kompetanse i regionen.

Vi meiner framtidas mineralnæring både handlar om å hente ut ressursar på ein så skånsom måte som mogleg, og å finne nytte så mykje av ressursen som mogleg, best mogleg.

Vi gler oss til å vere med og drive dette arbeidet fram.